Փոխադրվող համակարգիչները մի փոքր ավելի թանկ արժեն, քան սեղանի համակարգիչները: Այնպես որ մինչև իրականում չունենաք դրա կարիքը, պետք է մեծ գումարներ ծախսել, նամանավանդ, որ այդ գումարից ավելի փոքր գումարով կարող եք ձեռք բերել սեղանի համակարգիչ նույն հնարավորություններով հագեցած: Հիմնական առավելությունը փոխադրելիությունն է, այլապես սեղանի համակարգիչն ավելի արագ է և լավ հագեցած:
Գնային տարբերություն
Հավանաբար զարմանում եք, թե ինչու է նոութբուքն ավելի թանկ, քան սեղանի համակարգիչը, մանավանդ որ նոութբուքի առանձնահատկությունները զիջում են սեղանի համակարգչին: Գնային տարբերությունը հիմնականում կախված է թանկարժեք փոքր, բայց ուժեղ սարքերի ու միկրոսխեմաների հետ, որոնք օգտագործվում են նոութբուքների մեջ` դրանց դարձնելով փոխադրելի, շարժական: Նոութբուքների համար կարևոր գործոն է փոքրությունը, արտադրած ջերմությունը, քաշը և աշխատունակությունը, և հենց այս առանձնահատկությունները ավելացնում են դրանց ինքնարժեքը:
Տարածքային պահանջներ
Չնայած որ նոութբուքերը իրականում քիչ տեղ են գրավում, սեղանի համակարգիչը հարթ էկրանով նույնպես գրավում է քիչ տարածք սեղանի վրա: Սովորական համակարգիչները թեև կոչվում են սեղանի, բայց մեծ մասամբ դրանք դրվում են սեղանի տակը կամ գետնին և փաստորեն սեղանի վրա են մնում մոնիտորը, ստեղնաշարը և մկնիկը, որոնք իրականոմ շատ տեղ չեն գրավում:
Հիմա խանութներում կարելի է տեսնել համակարգչային սեղաններ, որոնք ունեն հնարավորություն անհրաժեշտության դեպքում թաքցնել ստեղնաշարն ու մկնիկը:
Էրգոնոմիկ
Ինչ է սա? Էրգոնոմիկան գիտություն է, որը գծագրում և դասավորում է իրերն այնպես, որ մարդիկ կարողանան կիրառել դրանք որքան հնարավոր է հարմարավետ ու ապահով: Էրգոնոմիկայի մասնագետներն ասում են, որ 1. համակարգչի ստեղնաշարը պետք է մոտ լինի ծնկի մակարդակին` հեշտ տպելու համար, 2. մոնիտորը պետք է դրված լինի ձեր դիմաց ձեռքի հեռավորության չափով, 3. մոնիտորի գագաթը պետք է համապատասխանի ձեր աչքերի մակարդակին: Փորձեք այս ամենին հասնել նոութբուքի միջոցով: Մի բառ` անհնար է:
Ակնհայտ է, որ սեղանի համակարգիչն ավելի էրգոնոմիկ է, քան նոութբուքը: Եվ ընդհանրապես, երկարատև աշխատանքների համար ավելի լավ է օգտագործել սեղանի համակարգիչ:
Կիրառություն
Էրգոնոմիկայի ոլորտներից մեկը կիրառականությունն է: Որոշ սահմափակությունների պատճառով նոութբուքը գտնվում է կիրառականության ավելի ցածր մակարդակի վրա, քան` սեղանի համակարգիչը: Քանի որ նոութբուքը փոքր է, ապա որոշ ստեղներ բացակայում են հիմնական ստեղնաշարից և դրանք համատեղված են մյուս ստեղների հետ, խոսքը գնում է հիմնականում թվերի մասին: Ստանդարտ ստեղնաշարով այս խնդիրը բացառված է:
Էկրանի հնարավորություն
Հիմնական մոնիտորները ունեն հետևյալ հնարավորությունները` 640x480 -- այսինքն 640 pixel-ը 480 pixel-ի համեմատ, մինչև 800x600, 1024x768 կամ բարձր:
Մի բան, որ ձեզ ուրիշները չեն ասի
Նոութբուքի էկրանն ունի հաստատուն կամ բնական հնարավորություն: Դուք կարող եք փոխել էկրանի ձևավորումը (գամմա, գույներ, պատկեր, մեծություն և այլն), բայց պատկերի կամ տառերի որակը կընկնի: Թեև մարդիկ կարծում են, որքան մեծ թվի վրա է էկրանի հնարավորությունը, այնքան լավ, բայց իրականում այդ հնարավությամբ պատկերները կորցնում են իրենց որակը: Այս դեպքում էկրանի վրա ամեն բան կլինի նորմայից փոքր և ոմանց համար կստեղծի տեսողական անհարմարավետություն:
Հիշեցեք, որ նոութբուք գնելուց, եթե հնարավորություն ունեք, գնեք մեծ էկրանով նոութբուք, որպեսզի մեղմեք տեսողական խնդիրերը:
###
No comments:
Post a Comment